أمهات في منفي اسمه دور المسنين

ساليتا

أمهات في منفي اسمه دور المسنين
21/03/2009
«قلبي علي ولدي انفطر..»
كتبت: سالي أسامة
«قلبي علي ولدي انفطر.. وقلب ولدي عليه حجر» مثل يعبر تماما عن حنان الأم حتي وإن أساء إليها أبناؤها أو أظهروا لها النكران وتمادوا في إهمالها. وفي عيد الأم.. حاولنا أن نرصد احتفال الأمهات في دور المسنين.. ولم نكن نتوقع هذه الصدمة.. صدمة ما يفعله الأبناء بأمهاتهم.
تقول الحاجة وفاء ـ نزيلة بدار مسنين في مصر الجديدة: «أقضي عيد الأم مع صديقتي وأولادها وبيجيبولي الهدايا زي ما بيجيبوا لمامتهم.. أصل أنا ابني مسافر وساعات بيتصل يقول لي كل سنة وانت طيبة».
وسكنت السيدة ميرفات دار للمسنين بعد أن تزوج ابنها الوحيد.. وتقول: «ساعات بييجوا يسألوا عني وفي عيد الأم بيتصل.. ربنا يعينه.. الدنيا تلاهي».
واختارت السيدة عنايات أن تسكن في دار للمسنين بعدما ربت وتعبت وأرادت أن ترتاح ـ علي حد تعبيرها.. وعن عيد الأم تقول: «في اليوم ده باروح لولادي وبيحتفلوا بيا وبيجيبولي هدايا وبيكون يوم جميل».
وتضيف السيدة بهيجة ـ مدرسة علي المعاش ـ أن الأمر ليس عقوقا من أبنائها كما يتصور البعض.. ولكنها ظروف الحياة.. ولو أن كل أم آمنت بأنها سبق لها وأخذت ابنا من أمه وأصبح زوجا لها، وستأتي أخري وتأخذ ابنها منها أو رجل ليأخذ ابنتها منها لهان عليها الأمر كثيرا.
وعن احتفالها بعيد الأم تقول: «إذا سمحت ظروف ابني فإنه يأتي ومعه هدية.. والحمد لله علي كل حال.. المهم أن يكون بخير».
أما السيدة فوزية فتقول: «مش هوجع قلبي وأقول ربيت وتعبت والكلام ده بس هقول الحمد لله علي كل حال ولازم نتعامل مع الظروف اللي احنا فيها ونعترف إننا خلاص بقينا خارج نطاق الخدمة.. أنا بيعدي عليا عيد الأم كأنه يوم عادي، برغم أن عندي أربع ولاد كلهم شباب زي الفل واحد دكتور واتنين مهندسين ومحامي.. ربنا يسعدهم».
وتقول الحاجة مريم: «أنا دلوقتي عندي 79 سنة وتقريبا مفيش حد بيسأل عني ويمر عليا في عيد الأم.. واليوم ده بيعدي زي وجع الضرس مهما كان الألم.. أنا عندي ولدين معرفش عنهم حاجة من سنتين» <

http://www.elbadeel.net/index.php?option=com_content&task=view&id=49530&Itemid=126

_________________

http://genevaa.yoo7.com/
منتديات جنيفاا